२०७६ कार्त्तिक २ गते

स्कुल चलाउन महायज्ञ

नवलपरासी । जिल्लाका अधिकांश विद्यालयले शैक्षिक तथा भौतिक विकासका लागि भन्दै धनधान्याञ्चल महायज्ञ गर्दै आएका छन् । उच्च शिक्षा संञ्चालन, विद्यालयको भौतिक संरचना निमार्णका लागि भन्दै यज्ञ गरेका हुन् ।

हरेक वर्ष जिल्लामा ५ देखि ८ वटासम्म महायज्ञ भएका छन् । जिल्लाको पशुपति साङवेद आवासीय संस्कृत विद्यालय देवचुलीले महायज्ञको भरमा गुरुकुल सञ्चालन गरेको छ । विद्यार्थीको खानपान जोहो गर्न विद्यालयले बर्सेनि महायज्ञ लगाउँछ । २०४३ सालमा शिव पुस्तकालयबाट यो सुरु भएको हो । यहाँ ६ देखि कक्षा १० सम्म पढाइन्छ ।

‘गुरुकुल पढ्न आएकासँग रकम लिने कुरा भएन, निजी स्रोतमा ४ शिक्षकलाई तलब दिनुपर्छ,’ प्रधानाध्यापक बाबुराम गौतमले भने, ‘करिब सय विद्यार्थी अध्ययन गर्ने विद्यालयमा अनिवार्य विषयबाहेक संस्कृत पढाइ हुन्छ ।’ २०५३ सालबाट हरेक वर्ष महायज्ञबाट अन्न संकलन गर्ने र छात्रवृत्तिदेखि विद्यार्थीलाई खानपिनको प्रबन्ध गरिँदै आएको छ । पछिल्लो समय संस्कृत विद्यातर्फ आकर्षण बढा विद्यार्थी भर्ना हुन आए पनि आवास र खानपिन समस्याले नसकिएको विद्यालयले जनाएको छ ।कान्तपुरमा खबर छ ।

Comments: