२०७६ कार्त्तिक २८ गते

'केही दिनमै पत्रिकामा परीक्षा स्थगित भएको सूचना आउँछ'


सुरेन्द्र अधिकारी
वरिष्ठ उपाध्यक्ष, संयुक्त अस्थायी शिक्षक केन्द्रिय संघर्ष समिति



अस्थायी शिक्षकहरु फेरी दोस्रोपटक आमरण अनशन बस्ने आवश्यकता किन पर्यो ?
हामीले पहिलो चरणको आमरण अनशन आठौं दिनमा शिक्षा मन्त्रालय, नेपाल शिक्षक महासंघ र आन्दोलनकारी अस्थायी शिक्षकहरु बीच असार गएको ९ गते त्रिपक्षिय वार्ताबाट चारबुंदे सहमति भएपछि टुंग्याएका थियौं । सहमतिमा शिक्षामन्त्रीले ऐनसंशोधनको प्रस्ताव संसदमा दर्ता गराएर भाद्र ३ अघि नै ऐन संशोधन गरिसक्ने, शिक्षा ऐनको नवौंसंशोधन मार्फत अस्थायी शिक्षकका माग सम्बोधन गर्ने लिखित र मौखिक सहमति जनाउनुभयो । पछि शिक्षामन्त्री र कर्मचारीहरु शिक्षा ऐन नगर्ने र अस्थायी शिक्षकसँग भएका सहमति शुन्य बनाउने तिर जानुभयो । हामीलाई जर्बजस्ती भाद्र ३ को परीक्षामा धकल्ने र ऐन संशोधन नगर्ने षडयन्त्र शिक्षा मन्त्री र मन्त्रालयले गर्न थालेपछि त्यसपछि बाध्यभएर हामीले दास्रो चरणको आमरण अनशन सहितको आन्दोलन शुरु गरेका हौं । हामीले जीवनमरणको रुपमा दोस्रो आमरण अनशन शुरु गरेका छौं ।

यो आन्दोलन पनि फेरी सहमतिमा टुंगीने र सहमति कार्यान्वयनका लागि अर्को आन्दोलन गर्नुपर्ने हो ?
यसपालीको आमरण अनशन पहिले कागजमा भएको चारबुंदे सहमति जस्तै गरेर टुंगिदैन ।  हामीले महासंघ र मन्त्रालयसँग भइरहेका वार्तामा समेत प्रष्टसँग भनेका छौं संसदमा ऐनसंशोधनको प्रस्ताव तत्काल दर्ता हुनुपर्छ र त्यसैको आधारमा भाद्र ३ को परीक्षा स्थगित गरिनुपर्छ । अनिमात्रै हाम्रो आमरण अनशन तोडिन्छ । दोस्रो चरणको अनशन उपलब्धि प्राप्त नभइ सजिलै तरिकाले तुंगीदैन । अब परीक्षा सारेर मात्रै पनि हुँदैन, ऐन संशोधन प्रस्ताव संसदमा दर्ता गरेर मात्रै पनि हुँदैन । यि दुवै काम एकै पटक भएमात्रै आन्दोलन टुंगीन्छ । ऐन संशोधन भएपछि मात्रै हाम्रो माग सम्बोधन हुन्छ । अनिमात्रै हामीले कितावहरु किनेर परीषाको तयारी गर्र्नेगरी हाम्रा शिक्षकहरुलाई विद्यालय पठाउछौं ।

अस्थायी शिक्षकको खास समस्या के हो ?
हामीले गरेका चारबुंदे सहमतिको पहिलो बुंदामा के भनेका छौं भने  सम्पूर्ण अस्थायी शिक्षकहरुलाई एकपटक आन्तरिक परीक्षाको फारम भर्न दिनुपर्छ । यदी परीक्षामा असफल भएभने उपचार खर्च सहित गोल्डेन ह्याण्डसेक सहित बिदा गरिनुपर्छ । यो भनेको, सर्वोच्च अदालतको २०६६ माघ २४ को परमादेशको आदेशको समेत कार्यान्वयन हो । बुंदा नं २ मा एउटा कार्यदल बनाउने कुरा छ । जहाँ ७ जना अस्थायी शिक्षक २ जना मन्त्रालयका र २ जना महासंघका प्रतिनिधि गरी ११ जनाको कार्यदल बनेको छ । त्यो कार्यदलले भद्र र लिखित गरी एउटा प्रतिवेदन तयार गर्ने र त्यसलाई संशोधनको बुदा नं २ बनाउने र सोही अनुसार ऐनसंशोधनको प्रस्ताव संसदमा पेशगर्ने । यसो गरेमात्रै एन संशोधनको प्रक्रिया अधि बढ्छ । अस्थायी शिक्षकलाई स्थायी बनाउने भन्दा विस्थापीत गर्ने डिजाइनमा जुन पाठ्यक्रम आएको छ त्यसलाई समयसापेक्ष सुधार गर्ने सहमति भएको छ । त्यसको समेत कार्यान्वयन हुनुपर्छ । यि तिनै माग पुरा भएपछि मात्रै देशभरका २६ हजार अस्थायी शिक्षकहरुलाई परीक्षामा सामेल हुन आव्हन गर्छौ ।


अस्थायी शिक्षकहरुलाई परीक्षादेखि डराएको, फेलभएपनि सुविधा मागेको, असक्षम भएको जस्ता आरोप लाग्ने गरेको छ नि ?
केहिदिनदेखि केहि राष्ट्रिय पत्रिकाहरुमा अझ बढी कान्तिपुर पत्रिकामा सुनियोजित रुपमा अस्थायी शिक्षकका विरुद्धका समाचारहरु आएका छन् । हाम्रो आन्दोलनलाई कमजोर बनाउन र हामीहरुबीच विभाजन ल्याउन शिक्षक महासंघका केहि पात्रहरुले भ्रामक समाचारहरु टिपाइरहेका छन् । समाचारमा अस्थायी शिक्षकहरु परीक्षाबाट डराएका छन् । परीक्षा दिन चादैनन् । उनीहरुले स्वत्तः स्थायी खोजिरहेका छन् भन्ने गलत समाचारहरु आइरहेका छन् । हामी सम्पूर्ण नेपाली जनता सामु यो भन्न चाहन्छौं कि, हामी स्वत्तः स्थायी हुन चाहेका हाइनौं । हामी पढेर, लेखेरै उत्तीर्णंक ल्याएरै स्थायी प्रक्रियामा जान तयार छौं । यदी हामी असफल भयौं भने हाम्रा दरवन्दीहरु खुला विज्ञापनका लागि लग्दा समेत हामीलाई कुनै आपत्ति छैन । हाम्रो यस्तो जायज र न्यायिक मागलाई बंग्याएर, गलत ढंगले प्रचारप्रसार गरिएको छ । जुन निन्दनीय छ ।


तपाईहरु शिक्षक महासंघलाई दुश्मन पनि भन्ने र उसैसँग वार्तामा पनि बस्ने गर्दा कसरी सहमति निस्कीएला र ?
परीक्षा सार्ने विषयमा शिक्षामन्त्रीलाई समेत अफ्ठ्यारो पार्ने गरी प्रचारबाजीहरु गरिए । महासंघको डिजाइनमा । भाद्र ३ को परीक्षा किन स्थगित गर्नुप¥यो भने हामीले प्रष्टरुपमा भन्दै पनि आएका छौं । अस्थायी शिक्षकहरुसँग भएको चारबुंदे सहमतिमा भाद्र ३ अघि ऐन संशोधन गरिसक्ने, शिक्षा ऐनको नवौं संशोधनबाट अस्थायीका सवै माग पुरा गर्ने र अनि मात्रै परीक्षा लिने सहमति थियो । त्यसलाई मन्त्रालयले आलटाल गर्दै नवौं संशोधन नै नगर्ने षडयन्त्रमा लागेपछि, हामीलाई जवजस्र्ती परीक्षामा पेलेर हाम्रा माग पुरा नै नगर्ने दिशामा अघि बढेपछि हामीले शिक्षामन्त्रीलाई केहीदिन परीक्षा सारिदिन र एन संशोधनको क्रिया शुरु गरिदिन भनेका हौं । उहाँले पनि हाम्रो माग अनुसार त्यस विषयमा शिक्षक सेवा आयोगका पदाधिकारीहरुसँग छलफल गर्नुभएको हो । पछि महासंघले भाद्र ३ को परीक्षा जसरी नी गर्नुपर्ने र त्यसो नगरे शिक्षामन्त्री कै विरुद्धमा आन्दोलन गछौं भनेर चेतावनी दिएपछि यस्ता समाचारहरु बाहिर आएका हुन् ।


शिक्षक सेवा आयोगले कुनैहालतमा भाद्र ३ मै परीक्षा गर्ने भनेर लागिरहेको छ नी ?
शिक्षा मन्त्रालय र आयोगले जतिखेरसम्म परीक्षा स्थगीत भएको सूचना पत्रिकामा प्रकाशन गर्दैनन् । तवसम्म उनीहरुले यो भन्नैपर्छ । ति ठाउँमा हामी भएपनि भन्ने यही हो । जव आन्दोलन र आमरण अनशन अघि बढ्दै जान्छन् । देशभरका अस्थायी शिक्षकहरु आन्दोलित हुनछन् । तव परीक्षाको २४ घण्टा अघि मात्रै भएपनि परीक्षा सार्ने निर्णय हुन्छ । हेर्दै जानुस् केहीदिनमै पत्रिकामा परीक्षा स्थगीत भएको सूचना आउँछ । कुनैहालतमा भाद्र ३ मा परीक्षा हुँदैन । यदी हाम्रा आन्दोलनका विरुद्ध सरकारले संशोधन विनै भाद्र ३ मै परीक्षा गर्ने दुश्साहस ग¥यो भने त्यसको परिणाम सरकारले नसोचेको हुने छ । त्यसको जिम्मेवारी सरकार, शिक्षामन्त्री, आयोगको अध्यक्षले लिनुपर्ने हुन्छ ।

यो परीक्षाको तयारी गर्ने समय हो की आन्दोलन गर्ने ?
हामी परीक्षाको तयारी गरेर, परीक्षामा लेखेरै स्थायी हुन चाहन्छौं । तर, हाम्रो उपलब्धि प्राप्त गर्न जुन आन्दोलन र अनशन भयो । त्यसलाई शिक्षा ऐन संशोधन गरेर मात्रै परीक्षा गर्ने जुन सहमति भएको थियो । त्योको कार्यान्वयन नगर्ने सहमति भइसकेपछि भाद्र ३ को परीक्षामा हामी जान्नौं भनेका हौं । परीक्षा देखि भागेर, डराएर आन्दोलनमा गएका होइनौं । हामी त भाद्र ३ को परीक्षामा सहभागी नहुन, अवज्ञा गर्न देशैभरीका अस्थायी शिक्षकहरुलाई आग्रह र अनुरोध गरेका छौं । त्यस किसिमको आट शिक्षामन्त्री र आयोगका अध्यक्ष सँग छैन । शिक्षा एनको संशोधन भए त्यसै भोलिपल्ट हुने परीक्षामा हामी सहभागी हुन्छौं । २ गते संशोधन भए ३ गतेको परीक्षामा हामी सहभागी हुन्छौं । तर, संशोधन अघि परीक्षा गर्ने दुश्साहस भए हामी मरेर भएपनि परीक्षा हुन दिन्नौं ।


देशभरका अस्थायी शिक्षकहरु त परीक्षा हुने कि नहुने भन्ने दोधारमा छन् ?
देशभरका अस्थायी शिक्षकहरुलाई यो आग्रह गर्न चाहन्छौं । कि हामीलाई विभेद र विभाजन गर्दै तीनखाले अस्थायी शिक्षक भनेर व्यवहार गरिँदै छ । तर, हामी सवै अस्थायी शिक्षकहरु उकैखाले हौं । सवैको हितका लागि एक नं बुंदामा सहमति भएको छ । देशभरका सम्पूर्ण अस्थायी शिक्षक साथीहरु यस जारी आन्दोलनमा आवद्ध हुनुहोस् भन्ने आग्रह गर्न चाहन्छौं । अहिले परीक्षाका लागि तयारी गर्न आवश्यक छैन किनभने परीक्षा कुनैहालतमा हुँदैन  ।




Comments: